Bannantameggwa b’empaka ezasembayo ez’ebika bya Baganda ez’omupiira ogw’ebigere abe Ngabi Ensamba bakiguddeko,Ennyonyi Nakinsige ebawandudde mu mpaka z’ebika bya Baganda ez’omwaka guno 2026.
Omupiira guno guzanyiddwa mu kisaawe e Wankulukuku, nga ebika byonna bisoose kusibagana goolo 1-1, oluvanyuma e Nnyonyi Nakinsige eyiseewo ku peneti goolo 5-4.
Engabi Ensamba eremereddwa okwediza ekikopo kino omulundi ogw’okusatu ogwomuddiriηηanwa.
Mungeri yeemu e Nkima ekubye Ndiga goolo 1-0.
Engo ekubye e Ffumbe goolo 4-2.
Ekkobe likubye e Njovu goolo 2-1.
Akasimba kakubye e Nsenene goolo 3-1.
Emamba Kakoboza ekubye e Mamba Namakaka goolo 2-1.
Engabi Enyunga ekubye Embwa goolo 5-4 eza peneti oluvanyuma lw’okulemagana 0-0.
Omutendera gwa ttiimu 16 gukomekerezeddwa olwaleero, era omutendera gwa quaterfinal gugenda kuzannyibwa nga 27 May,2026.#
Bisakiddwa: Isah Kimbugwe
