Empaka zómupiira ogwébigere ezisinga eza FIFA World Cup 2026, zigyiddwako akawuuwo mu Mexico nga 11 June,2026.
Abategesi aba Mexico bambalagana ne South Africa.
Omupiira guno guzannyibwa mu kisaawe kya Estadio Azetca oba Mexico City Stadium.
Empaka zino zitegekeddwa amawanga asatu America,Mexico ne Canada, era gwe mulundi ogusookedde ddala nga gutegekebwamu mbeera eno.
Empaka zino za mulundi gwa 23 nga zitegekebwa.
Zaasooka kutegekebwa mu 1930 mu Uruguay era ne baziwangula.
Brazil yekyasinze okuwangula empaka zino emirundi 5, Germany ne Italy emirundi 4 buli emu, Argentina bannantameggwa bémpaka ezasembayo mu 2022 e Qatar bakaziwangula emirundi 3, France ne Urugauy emirundi 2 buli omu, olwo Bungereza ne Spain buli omu yakaziwangula omulundi gumu gumu.
Brazil lye ggwanga lyokka eryakakiika mu mpaka zino emirundi gyonna 23, ate nga Germany ye kyasinze okutuuka ku final emirundi emingi 8.
Oluvanyuma lwómupiira ogugenda okuggulawo wakati wa Mexico ne South Africa, omupiira oguddako gugenda kuzannyibwa ku ssaawa 11 obudde nga bukya wakati wa South Korea nga ettunka ne Czech Republic.
Empaka zino zizanyibwa buli luvanyuma lwa myaka 4, nga ssemazinga Africa yakazitegeka omulundi gumu 2010 e South Africa.
Empaka zonna zigenda zikuweerezebwa butereevu ku CBS fm.#
Bisakiddwa: Isah Kimbugwe
