Ssabalondoozi w’ebitabo bya government John Muwanga akizudde nti emiti gy’amasanyalaze egyakozesebwa okusaasanya amasannyalaze mu byalo nti gyali gya mutindo gwa wansi nnyo era ng’egisinga gyavunda amasannyalaze teganatongozebwa kukola.
Omulimu guno gwakolebwa kitongole ky’eggwanga ekyali kitambuza amasanyalaze mu byalo ki Rural electrification Agency (REA).
Ssabalondoozi w’ebitabo bya government John Muwanga bino abitadde mu alipoota ye ey’omwaka gw’ebyensimbi 2021/2022 eyetegereza entambuza y’emirimu mu kitongole kino ekya REA
Ssabalondoozi John Muwanga agambye nti emiti gy’amasanyalaze gino egyavunda yagisanga mu bitundu ewayita line z’amasanyalaze okuli Masindi-Waki – Buliisa , Ibanda – Kazo -Rushere , Line ye Gulu ‘Acholibur , kitgum -Palabek , Ayer – Kamdini ne line endala
Okusinziira ku alipoota eno, newankubadde emiti gino girina okuwangaala amyaka egisona mu 20, omwaka 2021/2022 weyakolera okunonyereza kuno yasanga miti mingi gyagwa ,emirala nga mivundu songa emirala ebiwuka gyabirya n’amasannyalaze teganatongozebwa.
Project eyogerwako eyavugirira line z’amasanyalaze zino, government ensimbi yazeewola okuva mu bank yensi yonna, ekitongole Kya JICA , Ekitongole Kya SIDA, ekitongole Kya NORAD, neezimu zaava mu ggwanika ly’eggwanga era zaali eyo mu bukadde dwa doola za America 80.
Werutuukidde olwaleero, ekitongole ki Rural Electrification Agency government yakisattulula n’ekiteeka mu ministry y’amasanyalaze n’obugagga obwensibo.#