Ttiimu y’eggwanga ey’omupiira ogw’ebigere eyabakazi eya Crested Cranes ewanduse mu mpaka ez’okusunsulamu amawanga aganaakiika mu Olympics ez’omwaka ogujja 2024, ezinabeera mu kibuga Paris ekya Bufalansa,ekubiddwa Cameroon goolo 3-0.
Eddakiika 90 ziweddeko, olwo ne bagenda mu ddakiika 30 ezongerwamu Cameroon mwetebedde goolo ey’okusatu n’egiyisaawo.
Omupiira guno guzannyiddwa mu kisaawe kya Stade de la Reunification ekisangibwa mu kibuga Douala ekya Cameroon.
Omupiira gubadde gwakuddingana, nga oluzannya olwasooka mu Uganda, Crested Cranes yaluwangula goolo 2-0.
Cameroon eyiseewo okugenda ku mutendera oguddako n’omugatte gwa goolo 3-2.
Cameroon ewanduddemu Uganda ekwata ekifo kya 56 mu kucanga endiba munsi yonna mu mupiira gw’abakazi ate Uganda ekwata ekifo kya 155.
Zambia ne Cameroon zezaakiikirira semazinga Africa mu mpaka za Olympics ezasembyeyo ezaali e Tokyo Japan.
Bisakiddwa: Isah Kimbugwe