John Paul Lukwago Mpalanyi ye mubaka wa Parliament akiikirira essaza lye Kyotera ali mu kisanja kye ekisooka ku kaadi ya DP.
Mpalanyi Lukwago agamba nti CBS weyagendera ku mpewo nga 22 June,1996 yali mu S.3.
Nga wayise olunaku lumu agenda okuva ku ssomero akawungeezi, yasanga kitaawe Elmegio Kabugo aguze akaradio akaasooka awaka wabwe, ng’ekiri kuli ly’eddoboozi eryali eryenjawulo.
Okuva olwo Mpalanyi naayagala CBS n’okutuuka kati.
Mpalanyi agamba nti ne Kitaawe okuva olwo tava ku CBS era mu myaka gino gyonna 27, emuyambye nnyo okumanya n’okugoberera ebifa embuga, era ekyamuyamba okufuuka omwami wa Kabaka atwala egombolola ya Ssabaddu Kagolo Kaliisizo obuweereza bweyakola awatali kwebalira.
” Tusiima nnyo CBS banange mwebale, Kabaka waffe, Katikkiro waffe, abawereza b’ebitongole bya cbs byonna, naddala ekitongole ky’amawuliire tubayozaayoza mwena” Mpalanyi JP
Omubaka Mpalanyi agamba nti amawulire ga CBS naye ng’omuntu gamuyambye nnyo okugoberera ensonga naddala ez’ebyebufuzi, era kweyasinziira okufuna ekinyegenyege ky’okwesimbawo okukiikirira Kyotera.
” olunaku CB lweyasoma egguliire lyange nga nakalangirira nti ngenda kwesimbawo ku kifo ky’obubaka bwa parliament lwali lunaku lwanjawulo eri obulamu bwange era lwannyongera embavu n’obuvumu siddanga mabega. Zaali saawa 6 ez’emisana mu mawulire agava mu bitundu bya Buganda n’empulira ng’omusaasi we Kyotera Ssozi Ssekimpi Lwazi ayanja ensonga hooooo nasanyuka nnyo n’okwewuunya nga mpulira boogera erinnya lyange ku CBS ”
Mpalanyi okuva olwo taddanga mabega era akalulu ka 2021 yakawangula okukiikirira Kyotera mu parliament ku kaadi ya DP n’aggyayo owa NRM era minister Kyeyune Haruna Kasolo.
“Ate olunaku lwe bannangirira nti mpangudde akalulu ku kifo ky’omubaka w’e Kyotera ssakkiriza, essaawa zonna ezaddirira naalinga sikikkiriza okutuusa bwenawulira ku mawulire ga CBS, nenzikiriza nti ddala nali mpaangudde” Mpalanyi JP
Omubaka Mpalanyi John Paul yasomera ku St.Michael Kaliisizo gyeyatuulira P.7
Senior gyagisomera ku St.Andrew Matale.
Alina degree esooka (bachellors) n’eyokubiri (Masters) zeyakolera mu Makerere University.
Alina post graduate diploma mu nsolooza n’embalirira y’emisolo gyeyafuna okuva mu East African school of taxation.
Yaliko omubalirizi omukulu okuva mu kampuni ya Fortuna Ltd.
Yaliko Audit Assistant mu Opwo and Ogwanga associates.
Omubaka Mpalanyi John Paul kati mubaka akiikirira essaza ly’e Kyotera mu parliament mu kisanja kye ekisooka 2021 – 2026.
Bisakiddwa: Ssozi Ssekimpi Lwazi
