Olukiiko oluddukanya ttiimu y’essaza Buweekula lulangiridde Andy Ssali nga omutendesi omuggya owa ttiimu y’essaza lino, mu kwetegekera empaka za Masaza ga Buganda ez’omupiira ogw’ebigere ez’omwaka guno 2026.
Andy Ssali ku mulimu gw’okutendeka Buweekula azze mu bigere bya Felix Ssekabuuza eyasuddewo Buweekula n’agenda ku ttiimu y’essaza Gomba.
Andy Ssali mu kutendeka Buweekula agenda kuyambibwako abatendesi abalala okuli Ssenyonga Moses, Magaasi Jamaada, Kafeero Robert ne Kakeeto Gerald nga omutendesi wa bakwasi ba goolo.
Andy Ssali ajjukirwa nnyo okuyambako Buddu okuwangula ekikopo kya Masaza ekya 2021 nga yali mumyuka w’omutendesi Steven Bogere, era atendeseko Bugerere ewamu ne Ssese.
Aweereddwa obuvunanyizibwa okuyambako Buweekula okweddiza ekikopo ky’Amasaza kye yawangudde omwaka oguwedde 2025 bwe yakuba Ssingo goolo 1-0 mu kisaawe e Nakivubo eyateebwa Alex Talemwa.
Empaka za Masaza ez’omwaka guno zigenda kutandika nga 13 June,2026.
Bisakiddwa: Isah Kimbugwe
