Police egudde omusango ku bakansala ba KCCA, ogw’okukuma omuliro mu bantu ngéra obudde bwonna bagenda kutwalibwa mu kooti babitebye.
Bakansala bano kuliko Faridah Nakabugo , Twaha Abudaral ne Ssemakula Munir.
Ayogerera Police mu Kampala n’emiriraano Patrick Onyango agambye nti bakansala bano babadde batandise okutwalira amateeka mu ngalo, nga babadde bagala kutwala Ssenkulu wékibuga Dorothy Kisaka mu lukiiko ku mpaka.
Bakansala babadde bekalakaasa lwa senkulu w’ekibuga Dorothy Kisaka okugaana okutuula mu lukiiko lwabwe, okubanyonyola ku nsimbi ezisaasanyizibwa ku nguudo.
Amyuka Lord Mayor Doreen Nyanjula agambye nti tebagenda kukoowa kulwanyisa bulyake n’enguzi mu kitongole kya KCCA, kubanga nébikolebwa ekiseera kino bingi tebabimanyiko balaba bulabi nga Ssenkulu ne minister batongoza nguudo zakuzimba.
Akulira eby’enguudo nébizimbe ku lukiiko lwa Lord mayor Kizza Hakim Sawula agambye nti ssenkulu wa KCCA olukiiko lwa lord mayor Ssalongo Erias Lukwago lwamuyita anyonyole ku mudidi gw’ensimbi ogusasanyizibwa ku nguudo era kyebagala okumanya.
Bisakiddwa: Balikuddembe Joseph
