President wa Uganda Gen Yoweri Kaguta Museveni asabye bannauganda okwefumiitiriza ku mazuukira ga Yesu Kristo,bakole nnyo okwekulaakulanya n’okukulaakulanya eggwanga.
Bibadde mu bubaka bwe obw’ennaku zino enkulu ez’amazuukira nakubiriza bannauganda okwegayirira Katonda okubataasa okwenyigira mu bikolwa ebitali bya buntu, era ebiyinza okuzza Uganda emabega nga enguzi, obutemu obulimba ne birala.
Museveni agambye nti Amazuukira bannauganda bagakozese okwongera okwetukuza emitima, era ne yebaza abakuuma ddembe mu bitongole byonna olw’okukuuma abantu ne bintu byabwe ne basobola okutuka ku pasiika eno.
Gen Museveni azzeemu okujjukiza bannauganda okufaayo ku by’obulimi, ebyatekinologiya, n’ebyamakolero basobole okutonda emirimu eri abantu babwe lwebajja okwegya mu bwavu.
President Museveni gambye nti family ezirinamu aka ssente zikulakulanira ku misinde gyawaggulu, nti era oluusi tezitera kubeeramu butabanguko, kwekusaba abantu okukozesa omukisa gw’amazuikira okwenyigira mu enteekateeka ezikyusa embeera zabwe.#
