Akakiiko keby`okulonda mu ggwanga aka The Electoral Commission of Uganda, Kalabudde abagenda okulondoola okulonda mu ggwanga nga 15 January,2026 obutetantala kukola bikontana namateeka agabaluηamya.
Akakiiko keby`okulinda ne police basisinkanye abagenda okulondoola okulonda mu ggwanga, omuli ebitongole byomunda mu ggwanga, aba East African Community, COMESA, IGAD, African Union ne Europe.
Ssentebe wakakiiko keby`okulonda Omulamuzi Simon Mugenyi Byabakama, ababuulidde nti omulimu gwabwe gwakwetegereza bigenda mu maaso n`oluvanyuma bakole alipoota mu nnaku 16, wabula tebakkirizibwa kwogera nebannamawuliire, wadde okuleeta olugezigezi mu bifo ebirondebwamu.
Balabudde nti abanaaziimuula amateeka gann bakukangavulwa.
Bannamawuliire nabo akakiiko kazemu okubalabula obutetantala kulangirira bivudde mu Kulonda, okugyako nga bibaweereddwa akakiiko keby`okulinda kennyini.
Ssaabadumiizi wa Police Abbas Byakagaba asubiiza ng`eggwanga bwerigenda okuba n`obukuumi obummala mu kiseera eky`okulonda, nti era tewali agenda kutabangula Mirembe.
Bisakiddwa: Musisi John
