Olukiiko oluddukanya liigi ya babinywera eya Uganda Premier League, lukakasizza Abdul Karim Watambala owa club ya Vipers ng’omuzannyi asiinze banne okucanga endiba season ewedde 2025/26.
Abdul Karim Watambala yateebye goolo 12 nakola n’emikisa egivaamu goolo 4, era amezze banne okubadde Frank Ssebuufu owa Villa Jogo Ssalongo, Ivan Ahimbisibwe owa KCCA ne Ambrose Kigozi owa Entebe UPPC.
Hannington Ssebwalunnyo owa NEC yaasiinze okukwata goolo, Ivan Ahimbisibwe owa KCCA yasinze okuteeba goolo 14, ate nga Ivan Jacky Minnaert owa Vipers ye mutendesi asiinze banne.
Enrique Lubwama owa UPDF ye muzannyi omuto asinze, UPDF yesinze okulaga empisa, Rogers Torach owa Vipers yawangudde ekirabo kya goolo esiinze nga yagiteeba Lugazi.
Ttiimu eyabazannyi 11 esinze, kuliko omukwasi wa goolo Hannington Ssebwalunyo owa NEC, Johnson Odongo owa Entebe UPPC, Herbert Achai owa KCCA, Hirlay Mukundane owa Vipers, Kevin Darsylva owa Vipers, Isa Bugembe owa Entebe UPPC, Joseph Sseremba owa NEC, Abdul Karim Watambala owa Vipers, Ivan Ahimbisibwe owa KCCA, Usama Arafat owa Vipers ne Hassan Mubiru owa Villa Jogo Ssalongo.
Abawanguzi bonna baweeredwa engule ezibasiima ku mukolo ogubadde e Lugogo mu Kampala.
Bisakiddwa: Isah Kimbugwe
