Abatuuze ku byalo ebiwerako mu gombolola ye Nalutuntu mu district ye Kassanda bakeeredde mu kiyongobero, oluvannyuma lw’Ebisolo byaabwe okutemwa abantu abatannamanyika nebabitta.
Obutemu buno bubadde ku byalo Kyakatebe B ne Namuganga mu gombolola ye Nalutuntu mu Kassanda South.
Ensolo omuli Ente ,Embizzi, Embuzi zitemeddwa, ate Enkoko n’Embaata nezitegebwa Obutwa.
Obulumbaganyi buno abatuuze aboogeddeko ne CBS abataagadde kwatuukirizibwa, bagambye nti tebamanyii kwebuvudde, nebasaba ab’Obuyinza babayambeko mu kunoonyereza.
Ebikolwa eby’Ettemu lino bitaddewo okweraliikirira nebasaba police n’Ebitongole ebyokwerinda, okubayambako bikwaate abatemu bano.
Bisakiddwa: Kato Denis
