Abantu 50 bebalindiridde okufuna emiddaali ku mikolo egy’amenunula ga NRA /NRM egy’omulundi ogwa 37, egigenda okubeerawo ku lwokuna lwa wiiki ejja nga 26 omwezi guno.
Emikolo gigenda kubeera mu kisaawe e Kakeeka mu district ye Kakumiro.
Ssentebe w’ekibiina NRM era omukulembeze w’eggwanga Gen Yoweri Kaguta Museveni yasuubirwa okubeera omugenyi omukulu.
Bw’abadde ayogera ku ntekateeka ez’okukuza emikolo, Minister omubeezi owa Kampala Kyoffatogabye Kabuye ku lwa Minister w’ensonga za President, nti ku mukolo ogw’okujjaguza amenunula ga NRM waliwo abantu 50 president bagenda okukwasa emidaali olw’obuweereza obwenjawulo bwenakoledde eggwanga.
Minsiter Kyoffatogabye Kabuye ategezeza nti waliwo abantu bonna bayitiddwa okwetaba ku mikolo gino, wabula waliwo abagenyi 600 abalina okusooka okwekebeza obulwadde bwa COVID19 balyoke betabe ku mikolo gino.
Bisakiddwa: Mukasa Dodovico