Government eggyeeko abadde sipiika Annet Anitah Among, emmotoka zonna zaabadde nazo ezaamuweebwa okuddukanya emirimu gya offiisi ya sipiika wa parliament eye 11.
Emmotoka zino ziggyiddwa mu maka ga Among ag’e Nakasero mu Kampala, nezitwalibwa butereevu mu kifo ekisimbibwamu emmotoka z’abakulu ku parliament.
Emmotoka zino ezijjiddwa ku Among zisoba mu 5, okuli ezitambuza abakulu, kabangali za police , n’obummotoka bwa police obuggula okkubo.
Mu mukusooka, ab’ebyokwerinda abanoonyereza ku Among, babadde kyebaggye babowe emmotoka ze ez’obwannanyini okuli ey’ekika kya Rolls Royce No.UA 426EH egambibwa okuba nga yamuwementako obuwumbi obusukka mu 3.
Emmotooka endala ezaabooyeddwa kuliko Land Cruiser enzirugavu No.UA 6030BE, No. UBH 138W Toyota land cruiser , Lexus UBP 704Y saako Benzi ne Range Rover eziriko enamba ezisirisiddwa mu mannya ge AAA, nga zonna zaatwaliddwa ku kitebe kya police e Naggulu.
Mu kiseera kino nga parliament eye 12 tenafuna sipiika wadde omumyuka waayo, eddukanyizibwa kalaani wa parliament Adolf Mwesigye.
Annet Annet Among yalangirira mu butongole nti tagenda kuvuganya kubwa sipiika bwa parliament eno, oluvannyuma lw’ebitongole by’ebyokwerinda okulumba amakaage, ku bigambibwa nti binoonya bujjulizi okulumiriza omukyala ono ku misango gy’obulyake, obukenuzi n’okukukusa ensimbi.#
