Aba Buganda Kwekwaffe nga bakulembeddwako Ssentebe waabwe Kyazze Bashir balabudde minisita Omubeezi ow’ettaka Hon Sam Mayanja yeddeko ku bigambo byammokkola ebityoboola Nnamulondo n’okuvvoola Ssaabataka.
Bashir agamba nti ebikolwa bya Minisita Sam Mayanja bireetera abantu ba Buganda okukyawa gavumenti, era nebasaba president wa Uganda Yoweri Kaguta Museveni okubaako ekyamangu ky’akola ng’ekizimba tekinnasamba ddagala.
Basabye President mu ngeri yeemu, yeewali okusembeza abantu abavvoola abakulembeze abalala n’abantu bonna okutwalira awamu.
Bagamba nti Ssaabasajja Kabaka ye Ssaabataka era Nnannyininsi Buganda era akkiririzibwamu Abaganda n’abatali, ng’omuntu ssekinnoomu okumulumbagana kiba kisiikuula emitima gy’abo abamukkiririzaamu ng’omukulembeze waabwe ow’okuntikko.
Basabye ne banaddiini gyakuⴄⴄaanira okwogerako naye bamuzze, kubanga awaba.
Bagambye nti emirundi mingi omukulu ono, azze alengezza Ssaabasajja Kabaka Ronald Muwenda Mutebi II mu ngeri eweebuula ekitiibwa kye n’eddembe lye ng’omuntu.
Mu mbeera yeemu basabye abantu ba Kabaka obutakkiriza kuwuliriza Minisita Sam Mayanja yonna gyakuba olukuⴄⴄaana kubanga kizuuliddwa nti ekigendererwa kye kya kuziika Bwakabaka.
Basabye minisita Sam Mayanja okukozesa obukugu bw’alina mu Mateeka agatapute mu ngeri entuufu etawabya bannansi.
Basanyukidde eky’abamu ku bantu abaamusegulira bweyali atandise okuvvoola Ssaabataka mu bitundu by’e Kyaggwe.
