Police mu Kampala n’emiriraano ekoze ekikwekweto ku bagambibwa okubeera abazigu abanyaga bannakampala, omuntu omu akubiddwa amasasi agamulese ng’apooca.
Akubiddwa amasasi ye Joseph Wataba, nga kigambibwa nti abadde agezaako okulumba abasirikale n’ejjambiya, era mu kaseera kano ali mu ddwaliro e Mulago gyafunira obujjanjjabi wakati mubukuumi bwa police.
Police egamba nti Watada ne banne abalala baagufuula muze okunyaga abantu ku luguudo lwa Northern -bypass n’e bitundu ebiriranyeewo, era nti babadde baakalumba abantu ne babanyagako ebintu byabwe.
Abatuuze mu bitundu okuli Nsimbiziwoome ne Kigoowa bekubidde enduulu ng’ababbi bwebasusse okubatigomya.
Mu byanyagiddwa mwabaddemu ssente enkalu ezisukka mu bukadde 7, essimu ekika kya Samsung Galaxy table,endagamuntu za bantu,laptop,iphone pro max, Itel ne birala.
Amyuka omwogezi wa police mu Kampala n’emiriraano Luke Owesigire ategezeza cbs nti omuyiggo kubanyaguluzi bano kugenda maaso era balinze akubiddwa amasasi atereeremu abayambeko okuzuula abalala.#
