Olwaleero n 3 June,2023 giweze emyaka 138 bukyanga bajulizi ba Uganda battibwa nabookebwa e Namugongo nga bafiirira eddini.
Abajulizi abattibwa baali wakati w’emyaka 12 ne 50 egy’obukulu, wabula abaali basinga obungi baali bavubuka.
Abajulizi abo battirwa mu bifo ebyenjawulo wakati wa 1885 ne 1887 nga bafiirira eddiini okubukala mu Uganda.
Noa Mawaggala yattibwa Kiyinda Mityana, Joseph Balikuddembe yattibwa mu mu Kampala wakati ewali akatale ka Owino kati akayitibwa St.Balikuddembe.
Matia Mulumba yattibwa ku Old Kampala, Denis Ssebuggwawo yattibwa Munyonyo.
Wabula abasinga obungi baakumwako omuliro nebookebwa nga balaba, ennaku z’omwezi zaali 03 June, 1886 e Namugongo, era olunaku luno lwatongozebwa lukuzibwa buli mwaka.
Abajulizi baali 23 Abakristaayo na 22 Abakatoliki abeewaayo ne battibwa ngábasinga baayokebwa bwokebwa, nga bafiirira eddiini.
Obwesedde nóbwesedde bwábalamazi bakungaanidde e Namugongo leero okukuza olunaku luno olw’okujjukira abajulizi., bangi baatambuzza bigere okutuuka e Namugongo nga baavudde mu buli kanyomero ka ggwanga, abandi baavudde mitala wámayanja.
Entujjo ya maanyi nnyo okutwalira awamu ku kiggwa kyábajulizi e Bulooli mu Bakatoliki ne ku kijjukizo ekyé Nakiyanja mu Bakulisitaayo.
Ebyókwerinda binywezeddwa akénsusso ku miryango gyonna egiyingira Namugongo.
Okusinza n’okwegayirira omutonzi kugenda mu maaso e Namugongo, abalamazi baawaayo ebyetaago byabwe eri Katonda, nga bayita mu bajulizi ba Uganda abatuukirivu abesiimi.#
