Obukama bwa Bunyoro butenderezza ekisaakaate kya Nnaabagereka

Obukama bwa Bunyoro butenderezza omusingi okutambuzibwa Ekisaakaate kya Nnaabagereka, nti kikoze ky’amaanyi mu kukyusa obulamu bw’abaana abakyetabamu nebafuuka abantu abensonga mu ggwanga.

Minister avunanyizibwa ku bantu abawangaalira wabweru w`Obukama bwa Bunyoro Owekitinisa Philip Katahoire, bwabadde akulumbeddemu abakungu okuva mu bukama bwa Bunyoro abagenyiwaddeko mu Kisaakaate, agambye nti bingi byebayigidde mu Kisaakaate ebyensonga, era bagala nabo babirabireko era babisse mu nkola.

Nnaabagereka Sylivia Nnagginda ngáli nábasaakaate ku ssomero lya Muzza High school mu Kyaggwe

Ministry avunanyizibwa ku kikula kyábantu mu Bukama bwa Bunyoro Owekitinisa Dinah Kaija Kasangaki, agamba nti ekisinze okumusanyula mu Kisaakaate kwekuba nga tekisosola mu mawanga, era kyetabwamu abaana okuva mu bitundu bye ggwanga ebyenjawulo.

Ekisaakaate kyetabwamu abaana abawala nábalenzi abali wakati wémyaka 6 -18.

Abasaakaate bayigiriziddwa ebintu ebyenjawulo, ebyóbwongo, ebyemikono omuli Olulimi Oluganda, buwangwa nénnono, okutunga, okulima n`okulunda, okufumba, wamu n`okuzanya emizanyo egyenjawulo.

Ekisaakaate kya Nnaabagereka kibeerawo buli mwaka, ngékyómulundi guno kiyindira ku ssomero lya Muzza High school mu Kyaggwe.

Nnabagereka Sylvia Nagginda entanda gyeyasibiridde abasaakaate yakukozesa omukisa gwéisaakaate kino, baveeyo nga balina ebintu ebyenjawulo byebakugusemu, ebianabayamba mu bulamua bwabwe, kubanga gwemulamwa gwékisaakaate omukulu.

Omukungu Wilson Mukiibi Muzzanganda, omutandisi wesomero lya Muzza High school Kabembe Mukono mu ssaaza lye Kyaggwe ewabumbujidde Ekisaakaate ky`omwaka gunno, yebazizza Nnaabagereka okumuwa omukisa oguetegekera ekisaakaate ku ssomero lye, ekiganyudde abaana béggwanga.

Mungeri yemu Nnabagereka aguddewo ekisulo kyabaana abawala ekimubuddwamu amanya ge, ‘Nagginda Girls Dormitory’, wamu n`okusimba omuti ogwekijukizo ku somero lino.

Ssenkulu wa Nnabagereka Development Foundation Andrew Adrian Mukiibi, agamba nti abakungu okuva mu bukama bwa Bunyoro okubakyaliraako mu Kisaakaate, agambye nti byebasomesa abasaakaate bikwata ku buli nkula némbeera zábantu ezénjawulo ezibagasa kyebava tebasosola mu baana bebabangula.

Ekisaakaate gatonya kigenda kigenda ku komekerezebwa nga ennaku z`omwezi 26 omwezi guno.

Bisakiddwa: Musisi John