Ssabaminister wa Uganda Rt Hon Robina Nabbanja Musaafiri, awanjagidde abasigansimbi, bannakyewa ne bannekolera gyange, okwongera obuvujjirizi mu by’obulamu mu Uganda, kikendeeze ku bannansi abaddukira emitala waamayanja okufuna obujjanjabi.
Ssabaminister Nabbanja abadde atongoza eddwaliro erituumiddwa Healing Way Diagnostic and Fertility Centre e Kololo, erigenda okuyambako abakyala abasoomoozebwa okufuna embuto n’okuzaala.
Nabbanja agambye nti government tesobola kutuuka mu buli kitundu, wabula ssinga abasiga nsimbi bakwasizaako Uganda mu kuzimba amalwaliro endwadde ezimu zisobola okwewalibwa.
Nabbanja era alabudde banna Uganda okwefaako okwetangira endwadde naddala ezo esisoboka kyagambye nti ebitundu 75% ku ndwadde ezitta abantu zisobola okutangirwa.
Dr. Moses Muwanga, kaminsona mu ministry yeebyobulamu kulwa minister weebyobulamu Dr Jane Ruth Aceng Ocero, asabye ab’eddwaliro lino, obutapaaluusa basawo kuva mu malwaliro ga government, wabula okukolagana n’emitendera ejiriwo okutereeza ebyobulamu.
Dr Okwir Dennis, ssenkulu w’eddwaliro lino agambye nti balina enteekateeka y’okutumbula ebyobulamu n’obujjanjabi bwa kookolo, emitima, n’ebyobamu bw’abakyala abalemeddwa okufuna oluzaalo okwewala amaka okutabaguka.
Dr Okwir agamba nti balina n’enteekateeka y’okuleeta kuno ekyuuma ekikebera endwadde amangu ddala nga tezinasaasaanira mu mubiri
Captain Mike Mukula, ssentebe w’olukiiko olufuzi olwe ddwaliro lino, agambye nti bagenda kwongera okuzimba amatabi mu bitundu byeggwanga ebitali bimu okuli Jinja, Hoima, Soroti, Mbale, newalala kyokka neyenyamira olw’ettaka eriweza yiika 7, president lyeyabawa eryabajjibwako ministry’s y’eby’ettaka.
Captain Mike Mukula agamba nti balina enteekateeka yokutumbula ebyobulambuzi okuyitira mu byobulamu eby’omutindo ng bayita mu ddwaliro eriweza ebitanda 350 lyebaagala okuzimba kuno, ekkolero lyempiso, ekkolero ly’eddagala ly’empeke eriweweeza siriimu eza ARVs nebirala.
Bisakiddwa: Ddungu Davis
