Spain ewangudde ekikopo ky’ensi yonna eky’omupiira ogw’ebigere ekya FIFA World cup 2026, bwekubye Argentina goolo 1 – 0.
Goolo eteebeddwa Ferran Tores mu ddakiika eye 106.
Eddakiika 90 ziweddeko nga tewali aleengedde katimba ka munne.
Kino kye kikopo kya Spain ekyokubiri, ekyasooka yakiwangula mu 2010 e South Africa.
Guno omulundi gwa 2 nga Argentina ewangulwa ku mpaka ez’akamalirizo eza World Cup.
Mu 2014 yawangulwa Germany negitwalako ekikopo.
2026 Spain nayo egitutteko ekikopo.
Argentina omupiira guno egumazeeko n’abazannyi 10 oluvanyuma lwa Enzo Fernandez okufuna kaadi emyufu mu dakiika eye 103.
President wa America Donald Trump nga ali wamu ne president wa FIFA Gianni Infantino be bakwasizza abawanguzi ekikopo n’emidaali.
Spain eraze amaanyi bweyefuze omupiira guno ebitundu 68% ate Argentina ebitundu 32%.
Spain ekubye ebizungirizi mu mimwa gya goolo ya Argentina 11, ate nga Argentina tekubyeko mu goolo ya Spain.
Omuzannyi Pau Cubarsi owa Spain ya muzannyi omuto asinze mu mpaka zino, Unai Simon owa Spain ye mukwasi wa goolo asinze, Rodri Hernandez owa Spain ye muzannyi asinze okucanga endiba mu mpaka zino, ate nga Kylian Mbappe owa Bufalansa yasiinze okuteeba goolo ennyingi 10.
Empaka zino zizanyiddwa mu mawanga 3 okubadde America, Canada ne Mexico, ng’amawanga 48 ge gavuganyizza mu mpaka zino.
Brazil yekyasiinga ebikopo bya World cup biri 5, Germany 4, Italy 4, Argentina 3, France 2, Uruguay 2, kati Spainnayo ewezezza 2, ne England 1.#
