Abayizi n’abasomesa 21 aba King David Junior School Ndejje mu gombolola ye Makindye mu Kampala bafiiridde mu kabenje, bwebabadde bava okulambula ebiyiriro bya Sipi Falls e Kapchorwa.
Police etegeezezza nti Bus No.UA 108 BQ mwebabadde batambulira eremeredde omugoba waayo neegwa ku kiyiinja ekinene ekibadde emabbali gekkubo neyeefuula.
Akabenje kagudde ku kyalo Chekwatit mu mulaka gwe Kimawa mu gombolola Kawowo mu district ye Kapchorwa ku ssaawa nga bbiri ez’ekiro kya nga 16 July,2026.
Abayizi abalala abakoseddwa ennyo baddusiddwa mu malwaliro okuli Kaserem Health Centre IV, Kapchorwa General hospital ne Mbale Regional Referal hospital.
Minister w’ebyenjigiriza Dr.J.C Muyingo agambye nti alipoota gyebafunye eraga nti abafudde 21 kuliko abayizi 16 abasomesa ne Nnannyini ssomero.
Abayizi bonna abaabadde bagenze okulambula ababdde 217 omugatte, nga batambulidde mu bus 2 n’emmotoka entono eya buyonjo.#
