Olukiiko lw’abalabirizi oliyindira e Lweza lulonze Rev.Can. Associate Prof.Dr.Grace Lubaale ng’omulabirizi w’Obulabirizi bwe Busoga owookuna.
Omulabirizi omuggya Prof.Grace Lubaale wakutuuzibwa nga 14 December,2025, ku lutikko e Bugembe mu district ye Jinja.
Agenda kudda mu bigere bya by’omulabirizi Rt Rev Paul Moses Samson Naimanhye, agenda okuwummula obuweereza oluvannyuma lw’okuweza emyaka 65 egy’obukulu.
Rev. Canon. Associate Prof. Dr. Grace Lubaale yazaalibwa nga 9 October, 1978, ku kyalo Bugombya Zone, mu muluka gwe Butansi, mu ggombolola ye Butansi, mu ssaza lye Bugabula mu district ye Kamuli.
Yayatula obulokozi mu December 1994.
Yayawulibwa mu bulabirizi bwe Kampala mu December 2008, mu 2009 naafulibwa omwawule omujjuvu.
Mu November, 2024 yoomu ku ba Canon abaatikkirwa mu lutikko ya All Saints Cathedral Kampala mu bulabirizi bwa Kampala.
Rev. Canon. Associate Prof. Dr. Grace Lubaale mufumbo ne maama Clare Louise Atuheirwe era Katonda akyabwadde abaana 4.#
