President wa Uganda Yoweri Kaguta Museveni Tibuhaburwa aliko ennambika zaakoze ku bbago ly’etteeka eriri mu parliament, government mweyagala okuyita okunyweza obwetengereze bwa Uganda.
President Museveni agambye nti ye ebbago lyeyayisa mu lukiiko lwaba minister teryogerangako era terigendererangako kuziyiza nsimbi eziyingira n’okufuluma eggwanga, ezigenda mu bitongole ezimanyiddwa nga Foreign Direct investment , enzirikiriza neezo ezisiindikibwa bannauganda abawangaalira mu mawanga g’ebweru
Museveni mu kiwandiiko kyafulumizza agambye nti aze awulira kyayise olwali oba kkerere araga nti etteeka lya Protection of Sovereignty bill ligenda kuziyiza ensimbi eziyingira eggwanga ezigenda mu bitongole, enzikiriza neezo ezisindiikibwa kuno bannayuganda abawangaalira mu mawanga amalala, kino agambye nti kikyaamu nnyo era lwali lwennnyini.
Museveni agambye nti etteeka lya Protection of Sovereignty Bill ly’amanyi, lyeryo erigyayo emiramwa abantu ba ssemazinga w’omuddugavu Africa gyebaalwanirira okuva mu mwaka gwa 1900 mu biseera abafuzi bamatwale, ow’okulwanirira obwetengereze bw’amawanga g’omuddugavu.
Museveni ajulizza ebigambo byeyali omukulembeze wa Tanzania omugenzi Julius Nyerere, byeyayogera nti okwetongola(independence) kitegeeza kubeera n’eddembe okukola ku nsonga ze,, ate n’okuyigira ku nsobiize okukola ekituufu.
Okusinziira ku Mzei museveni ,obwetengereze oba sovereignty kitegeeza mutwesonyiwe, mutuleke twekolere ku bizibu byaffe fekkaffeka , temuyingirira oba temukiika nsiingo nga muvugirira enteekateeka zaffe okuyisaawo ebyammwe.
Museveni agambye nti nga ssemateeka waUganda bwakirambika, obwetengereze obwogerwako mu ssemateeka ono, government ebwesigamako era nebukozesa okuyita mu kalulu ng’ennyingo eye 1(4) ,ennyingo 59 n’ennyingo 68 bwezirambika.
Museveni akinogaanyizza nti abatakwatibwako nsonga za Uganda, tebalina kuzeeyingizaamu mu bigambo, mu buvugirizi, oba ebikolwa ebirala, naagamba nti enkola y’okweyingiza mu ngeri eggwanga gyerisalawo enkola yaazo n’okutambuza eggwanga kiyinza okusaanyawo ensi.
President Museveni annyonyodde nti NRM enkola zezze eteekawo emyaka 40 egiyise, tukuli yadde neemu ekugira bantu oba ebitongole okuyingiza oba okufulumya mu ggwanga ensimbi zebakoze mu mateeka, kababeere bannauganda abawangaalira mu mawanga amalala.
Museveni alagidde Nnampala wa government mu parliament Hamson Obua n’abakulembeze b’obukiiko bwa parliamnet obwekenneenya ebbago lino, essira baliteeke ku kinyusi mu bbago lino ekikwata mu kweyingiza mu bwetengereze bw’eggwanga Uganda.
https://cbsfm.ug/ebbago-lyetteeka-lya-protection-on-sovereignty-bill-2026-erigenderera-okukuuma-obwetengereze-bwa-uganda-abaweerezebwa-ensimbi-okuva-ebweru-weggwanga-bakusooka-kufuna-lukusa-okuva-mu-government/
