Police mu Kampala n’emiriraano etandise okunoonyereza ku muwala Nalubwama Caroline myaka 25, kigambibwa afiiridde mu Maka ga Brian Kirumira amanyiddwa nga Brain White, mungeri etanategerekeka bulungi.
Amaka gano gasangibwa ku kyalo Kyamula mu division ye Makindye mu Kampala.
Waliwo ebigambibwa nti gas omuwala ono kwabadde afumbira ayabise namutusaako ebisago eby’amaanyi ebimuviiriddeko okufa, so nga Brian White naye akoseddwa era akyali mu ddwaliro ajjanjabibwa.
Nalubwama bagezezaako okumuddusa mu ddwaliro e Kiruddu gyafiridde nga yakatuusibwa yo.
Amyuka omwogezi wa police mu Kampala ne mirirano Luke Owesigire agambye nti abasirikale babwe baliiko byebatutte ebigenda okubayamba mu kunonyereza kwabwe.
Luke ategezeza nti oluvanyuma omulambo gwa Nalubwama Caroline gutwaliddwa mu ddwaliro ekkulu e Mulago okwongera okwekebejjebwa.
Mungeri yemu Luke agambye nti bagenda kukozesa camera enkesi eziri mu nnyumba okumanyira ddala ekibaddewo.#
