Ekitongole kya Police eky’eby’obulamu kitegezezza ebyavudde mu kwekebejja emirambo gy’abayizi e 17 egyayokebwa negisiriira mu bulumbaganyi obwakolebwa abatujju ba ADF ku ssomero lya Lhubiriha Secondary School e Kasese, kiffulumizza ebyava kwekebejja endaga butonde.
Dr.Moses Byaruhanga akulira eby’obulamu mu police ategezezza nti endanga Butonde z’abayizi 11 zokka kw’ezo 17 ezakeberebwa zezifulumye, nga zikwatagana n’abazadde babwe ate endala 6 tezinazuulwa bazadde batuufu.
Dr. Moses Byaruahanga ategezeza nti abazadde b’abaana e 11 bagenda kubulirwa ddi lwebagenda okufuna emirambo gy’abaana babwe.
Omwogezi wa Police Fred Enanga agambye nti mu kiseera kino omuwendo gw’abaakafiira mu bulumbaganyi buno guweze 44 okuva ku 42 abaasooka okuzuulwa.
Bisakiddwa: Mukasa Dodovico