Parliament eyisizza ennyongereza y’ensimbi trillion 8 no buwumbi 104, government ya Uganda zeyasaba okuddukanya emirimu gy’eggwanga.
Ebitongole bya government ebiwerako okuli amalwaliro, ebyokwerinda, amakomera, police ,amaka gobwa president nebirala ensimbi zabiweddeko kwekuddikira eri parliament biweebwe embalirira eyenyongereza bitambuze emirimu
Trillion 1 nobuwumbi 820 zigenze mu bank enkulu eyeggwanga okusasula ku mabanja agabanjibwa eggwanga
Obuwumbi 459 zigenze mu Maka gobwa president okuddukanya emirimu, nga ezisinga kuzino zigenze mu nsawo etatunulwamu
Obuwumbi 460 zigenze mu kakiiko kebyokulonda okukola ku nteekateeka y’obuuma bu kalimagezi obwa Biometric Voter Verification machine nebigenderako nga bwebugenda okukozesebwa mu kulonda
Trillion 2 nobuwumbi 300 nokusoba zigenda mu ministry yebyentambula okusasula ba kontulakira benguudo, okugula ennyonyi endala awamu nokuliyirira bannyini ttaka okuyisibwa enguudo
Obuwumbi obuli eyo mu 800 bigenze mu ministry ya byakwerinda nga kwekuli ezigenze mu nsawo etatunulwamu, nendala zigenze mu byokwerinda mu kiseera ky’akalulu
Obuwumbi 183 bigenze mu police okukuuma emirembe mu kiseera Kyakalulu
Obuwumbi 108 bugenze mu kakiiko k’eggwanga ak’ebyettaka mu nsawo ya land fund, okuliyirira abantu government beyatwalako ettaka lyabwe, songa obuwumbi 269 zigenze mu kitongole ekigula eddagala lya government ki National medical stores okugulira eddagala mu ddwaliro ly’amagye erye Mbuya nebikozesebwa ebirala.
Obuwumbi 67 zigenda mu kitongole ki NIRA okukola ku ndaga muntu ,obuwumbi 21 zigenze mu kitongole kyamakomera songa obuwumbi 41 zigenze mu kitongole ekikettera ku munda mu ggwanga
Obuwumbi 59 zigenze mu ministry yebyobulamu okuziba eddibu eryalekebwawo olwa government ya America okuyimiriza obuvugirizi mu kitongole ki USAID ekirwanyisa mukenenya
Parliament olumaze okuyisa embalirira eyenyongereza ya trillion 8 nobuwumbi 104, eziddwayo mu luwumula.#
