Akakiiko ka parliament akalondoola ebyokwerinda by’eggwanga kasabye ministry yeby’ensimbi n’okutekeratekera eggwanga enoonye obuwumbi bwa shs 2, buweebwe ekitongole ky’eggwanga ekyekebejja ebizibiti kigule ekyuma ekipima emyaka gy’abantu.
Ekitongole kino ki Director of the government analytical laboratory omwezi oguwedde kyayanjula okusaba kwakyo eri akakiiko ka parliament akalondoola ebyenjigiriza , kiweebwe obuwumbi 2 okugula ekyuma kino,okuppima emyaka naddala egy’abakozi ba government n’abalala abalimba emyaka.
Ekitongole kino kyasinziira ku kwemulugunya okuva eri ministry y’abakozi ba government, ku bakozi baayo abatagala kuwumula nga batuusiza emyaka egiwummula okuva mu buweereza bwa government.
Ministry y’ensonga z’abakozi egamba nti wuliwo abakozi bangi bakyusakyusa emyaka nebagikendeeza, nekigenderwa ekyokusigala nga baweereza mu bifo byebalimu wadde batuuse mu myaka egiwummula.
Director of the government analytical laboratory egamba nti okusaba okuva mu bantu babulijjo nekitongole kya NIRA, ne NSSF, kulaga nti waliwo obwetaavu bwokulaga obujulizi ku myaka gy’abantu emituufu, singa obwetaavu bubeera buzze.
Essira lyakussibwa ku baana abawala abafumbizibwa nga tebanaweza myaka 18, abaana abakozesebwa emirimu egitaja mu myaka gyabwe,abavubuka abatwalibwa okukola emirimu gy’obukuumi mu nsi endala, n’ensonga endala nnyingi.
Ekyuma kino nga kyeyambisa tekinologiya, kisobola okwekebejja amannyo g’omuntu,amagumba, amaaso,olususu oba omusaayi kwekisinziira okutegeeza emyaka emituufu omuntu gyalina.
Ensonga y’omuwummuza abantu ku mirimu ezze ekubaganyizibwako ebirowoozo, ng’abamu bakisemba abalala nga bakiwagira, wabula nga bbyo ebifo by’obufuzi ekkomo ku myaka gyagibwawo, nga bagamba nti kyali kirinnyirira eddembe ly’abantu okuweereza eggwanga lyabwe.