Omwoleso gwa Cbs Pewosa gukomerezeddw, ng’abantu balaze obuyiiya n’obukugu saako okugatta omutindo kubyebakola.
Omwoleeso guno gumaze wiiki nnamba nga guyindira mu Lubiri e Mengo, gwetabiddwamu aba makolero amanene n’amatono nga goolesa byegakola.
Abantu ba Kabaka abasobye mu 10,000 bawereddwa obujjanjabi obw’obereere kundwadde ezenjawulo nga kino kikoleddwa eddwaliro lya Gombe Medical Service
Ebitongole bya Gavumenti ebyenjawulo bingi byetabye mu mwoleso guno nga biwa abantu obuweereza ku bwereere omuli ekitongole ekigaba Passport , akakiiko ka Judicial Service Commission, National Coffee Development Authority , akakiiko kebyokulonda, ekitongole ekikuba mu kyapa ebiwandiiko bya government ebitongole ekta Uganda Publishing and Printing Company.
Ekittavu ky’abakozi ki National Social Security Fund –NSSF kisomesa abantu emigaso gy’okutereka , National Drug Authority ekitongole ekivunanyizibwa ku ddagala nga kino kikoze omulimu gw’okusomesa abavubuka kunkozesa yeddagala, ekitongole ekiwooza kyomusolo ki Uganda Revenue Authority nakyo kiyigiriza banna Uganda ku buvunanyizibwa bwabwe obwokuwa omusolo n’ebirala.
Amakampuni agenjawulo omuli Movit , CFAO Motors abatunda emmotoka ezitambulira ku masannyalaze, Simba Automotive , Haujue , Rosefoarm , Sumzs, Nice House of Plastics , Centenary Bank , Royal Foam , CHINT Meter , ebibiina by’obweggasi naddala ebirina enkola eya Cbs Pewosa bonna betabye mu Mwoleso gwa Cbs Pewosa okulaga byebakola.
Minister wa Science and Technology mu government eya wakati Dr. Monica Musenero agaddewo omwoleso atenderezza obuyiiya obwoleseddwa nagamba nti kino kiwa esuubi era Uganda akadde konna yakutandiika okwekolera ebintu byayo, ekukomya okujja nga buli kimu mu mawanga g’abazungu.
Minister Musenero yeyamye nti government yakukwasizaako abantu naddala abamakolero amatono okwongera kubyabakola okusitula omutindo.
Mu.mwoleso mubaddemu okuwangula ebirabo naddala piki piki kapyata okuva mu Simba Automotive ewanguddwa abantu abazze mu mwoleso.
Abavubuka abetatinidde okwekebeza endwadde, naddala siriimu.
Eby’obulimi biteekeddwako essira naddala ekirime ky’emwanyi era ekitongole ekivunanyizibwa ku mwaanyi mu ggwanga ki Uganda Coffee Development Authority kibangudde abalimi mu nnima yaazo ez’omutindo n’okuzoongerako omutindo.
Bo abatunda endokwa zebirime babadde.u mudido olwa bantu abetanidde okuzigula,omuli kasooli, ebibala, emiti gyamuwogo, endokwa z’ebisagazi, endu z’ebitooke n’ebirala.
Abagatta omutindo ku byebakola naddala mu mu bibiina bya Cbs Pewosa omuli aboolesezza wine gwebakola mu mata,ebikajjo, obutiko n’ebirala.
Abamu ku betabye mu mwoleeso gwa Cbs Pewosa basiimye entakateeka bwebatyo babazizza Cbs olw’enteekateeka ezikulakulanya bannauganda.#