Omuwendo gw’abantu abateekateeka okugenda okukola hijja gwakubeera mutono,okugerageranya n’emyaka egyayita ng’ekirwadde ki Covid 19 tekinabalukawo.
Bannauganda abasiramu bamaze emyaka 2, nga tebatuukiriza mpagi eno ey’okikola hijja, olwe kirwadde kya COVID 19 ekyabalukawo mu 2020,era nga abamu baali bamalirizza okusasula ensimbi zabwe mu kiseera ekyo.
Mu kulwanyisa ekirwadde kya Covid 19 obutasaasaana nnyo, Saudi Arabia yalagidde ekibiina ekivunanyizibwa ku balamazi abava mu mawanga agenjawulo okukendeeza ku balamazi abanakola hijja omwaka guno, n’ebitundu 30 ku kikumi.
Uganda bulijjo etera okutwala abalamazi abali wakati w’e 1,300 ne 1,500.
Ku mulundi guno omuwendo ogwo gwakukendeerera ddala n’ebitundu 30 ku kikumi.
Akulira ekibiina kya Uganda Bureau of Hajji affairs Sheikh Zakaria alabudde bonna abateekateeka okukola Hijja okwewandiisa mu budde n’okusasula, era nasaba ebibiina ebibatwala okwongera okubalambika ku nkola z’omwewala Covid 19.
Okulama e Mecca okukola hijjay’empagi ey’okutaano ey’obuyisiraamu.
Empagi endala kuliko okukkirizza Allah nómubakawe Muhammad Swalalahu-Aleyihi Wassalama.
Okusaala esswala 5 buli lunaku.
Okuutoola zakah mu maali yo.
Okusiiba omwezi omutukuvu ogwa Ramadhan