Omutaka omukulu ow’akasolya k’ekika ky’Akasimba Kabazzi Nnampuuma David Marvin Miti avudde mu bulamu bw’ensi mu ddwaliro e Mengo nga 02 June,2026.
Katikkiro w’ekika ky’Akasimba, Lwanga Edward Brown Buyondo agambye nti omutaka yagwiriddwa ekirwadde ky’Entnnunsi naddusibwa mu ddwaliro e Mengo, eyo nga gyassirizza omukka ogw’enkomerelo.
Ayogedde ku Mutaka Kabazzi Nnampuuma ng’abadde omusajja Omwetowaze ayagala abaana be wamu na Bazukulu bonna .
Enteekateeka z’olukiiko lw’Abataka abakulu Ab’obusolya ez’okutaambuza ennono y’ekika okufuna Kabazzi Omubbulukuse bwezinaaba ziwedde, olwo Kabazzi Omubuze aterekebwe ku Butaka e Kyango mu Mawokota.
Omutaka Kabazi abadde atuula ku lukiiko olukulembera ekitongole kya Kabaka ekivunaanyizibwa ku butale ekya Rexber, ng’abadde muwi w’amagezi ku by’obuwangwa n’ennono.
Ekika ky’Akasimba
-Obutaka bw’akasimba buli mu Kyango mu ssaza Mawokota.
-Akabbiro k’Akasimba Ngo
-Omubala gw’Akasimba guvuga nti; Kiiso bwekikulaba obulungi, naawe okiraba.
