Police mu district e Mbarara eggalidde musajja waayo police constable Charles Opio namba 50158, akkakkanye ku mujaasi wa UPDF naamukomerera amasasi agamuttiddewo.
Enjega eno abaddewo ku ssaawa 12 ez’akawungeezi ka Friday.
Akubiddwa amasasi ye Corporal Yeremiah Paper abadde akolera emirimugye mu kitongole kya UPDF ekizimbi ekya Ruhengyere Engineering brigade.
Omujaasi ono amasasi bagamukubidde kumpi ne banka ya Uganda enkulu mu Mbarara , okumpi n’enkambi ya police.
Kigambibwa nti ababiri bano babadde bamaze ebbanga nga balina obutakkaanya.
Amyuka omwogezi wa police mu ggwanga Polly Namaye agambye nti Opio akwatiddwa akuumibwa ku kitebe kya CPS e Mbarara, ate omulambo gutwaliddwa mu ggwanika ly’eddwaliro e Mbarara.
Wiiki eno yokka abebyokwerinda bagimazeeko basasamaza eggwanga n’enkozesa y’emmundu emenya amateeka, olw’abakuumi.abafuna obutakkaanya nebekuma amasasi.
Bisakiddwa: Kato Denis