Omusawo ku ddwaliiro ekkulu erye Lyantonde Dr Saimon Didas Turwahebwa, akwatiddwa ab’eby’okwerinda, kigambibwa abadde aggye enguzi ya mitwalo mukaaga okuva ku mulwadde Norah Tukwiriza.
Dr. Saimon Didas Turwahebwa,akuumibwa
ku kitebe Kya Police y’e Lyantonde, ng’okunoonyereza bwekugenda mu maaso
Omwogezi wa Police mu bitundu bye Masaka Afande Twaha Kasirye, agambye nti essaawa yonna fayiro y’omusango egenda kutwalibwa ew’omuwaabi wa goverment.
Gyebuvuddeko Amyuuka Kaliisoliiso wa government Anna Twinomugisha, bweyali alambula eddwaliiro ekkulu erye Lyantonde waliwo abaamuloopera olw’abasawo abajja ssente ku balwadde.
Bisakiddwa: Kanwagi Baziwaane
