Bannakyeewa abatakabanira obulamu bwÁbaana abazaalibwa ng’ekiseera kyabwe tekinatuuka (premature), basabye abantu abalina omutima omulungi okubeegattako mu kaweefube wÓkunoonya ensimbi eziyambako mu kulondoola abaana bano, ng’abasajja bebasaale.
Okunoonyereza okwakolebwa ministry yÉbyobulamu kulaga nti omuwendo gwÁbaana abazaalibwa nga tebannatuuka gweyongedde okulinnya, nga werutuukidde leero Abaana emitwalo 200,000 bebazaalibwa buli mwaka nga tebatuuse.
Ab’Ékitongole ki Maama Tulia nÁbaaliko abayizi mu St Mary’s Collage Kisubi okuli aba Pirates ne Bushmen batongozezza okusonda ensimbi okudduukirira Abaana abazaliddwa nga tebannatuuka mu malwaliro agenjawulo.
Nsereko Vincent eyaliko omuyizi mu SMARK agambye nti amalwaliro okuli erye Kawempe ne Bwera e Kaseese, gegagenda okusooka okuganyulwa mu nsimbi nébikozesebwa ebyenjawulo.
Nsereko ategeezezza nti nga bayita mu mpaka zÉbyemizannyo ezitegekeddwa ku International University of East Africa ku Sunday nga 23 November,2025, lwebagenda okwefumiitiriza ku lunaku lwÁbaana abazaalibwa nga tebatuuse mu nsi yonna.
Olunaku luno mu butongole lukuzibwa nga 17 November, buli mwaka.
Omwaka guno essira ly’okukuza olunaku luno liteekeddwa ku Basajja okubeera abasaale mu kuyambako Abakyala ababeera bazadde abaana abatatuuse.
Bisakiddwa: Kato Denis
