Bannakibiina kya NRM betaaga obuwumbi bwa shilling busatu (shs 3b) okwebuuza ku bannansi, n鈥檕kuku饾澏aanya emikono egisemba okutegeka akalulu k鈥檈kikungo okukyusa enkola y鈥檕kulonda president wa Uganda n鈥檈nnongosereza endala.
Enteekateeka eno yawomwamu omutwe banna NRM abegattira mukago ogwa Transformers Cadres Association Uganda,nga muno okusinga mwegattiramu bannaNRM abaali besimbawo mu kalulu akaggwa aka 2021 nebagwa.
Akakiiko k’eby’okulonda kaabawadde olukusa okugenda nga batalaaga ebitundu by’eggwanga byonna, okuku饾澏aanya ebirowoozo n鈥檈mikono ejisemba okutegeka akalulu k鈥檈kikungo okusalawo ku ky鈥檕kussaawo ennongosereza ezo.
Ebimu ku biteeso ebyetaagisa akalulu ak’ekikungo, kwekuba nti president w鈥檈ggwanga alondebwa parliament sso ssi bannauganda bonna, okuzzaawo ebisanja bya president,okuteekawo parliament ey’okubiri emanyiddwa nga Senate, 聽okuteekawo enfuga eya Regional Tier, okukozesa ebyuma bya biometric machines mu kulonda kwonna n鈥檈birala.
Felix Adupa Ongwech, akulira bannakibiina kya NRM abagenda okukulemberamu enteekateeka eno, agamba nti bakutandikira mu district eziri mu bendobendo lye Busoga, badde e Bukedi, Elgon, Sebei, Teso, Karamoja, n’ebitundu ebirala nga bakuwunzikira Mubende ne Luweero.
Kemirembe Ronah ayogerera omukago gwa NRM transformer Cadres Association Uganda, agamba nti ssemateeka wa Uganda ennyingo eye 74 akawayiro 3, kabawa ekiseera ekyokukoleramu enteekateeka eno.
Kino kirina okukolebwa mu mwaka ogwokuna ogwekisanja ky鈥檃babaka aba parliament, era nti bakutandika mangu ddala, 2025 egende okutuuka ng鈥檈byetaagisa byonna biwedde.
