Atwala Eby’okulonda mu District ey’e Ssembabule Gracias Alyiiza, alangiridde ebifo byonna eby’obwa Kkansala abanakyiika ku District eno, okuli Abaali baayitamu edda, n’abalondeddwa mu bifo ebitonotono ebyabaddemu ababavuganya.
Alyiiza Alangiridde banna kibiina kya NRM 36, nabatalina kibiina 3 nti bebayiseemu okukyiika e Ssembabule, wabula nga waliwo n’okulonda gyekusaziddwaamu Olw’emivuyo egyetobeseemu.
Mu bimu ku bifo gyebasazizzaamu okulonda, ze Polling Stations ezimu mu Ggombolola y’e Nakasenyi, ewabadde okulonda kansala omukyala, kubanga ye Councilor Omusajja Mubeezi Frred yali yayitamu dda.
Mu bifo ebirala ewabadde obunkenke n’okusambasamba bbokisi z’obululu, akakiiko byekanokoddeyo bibadde mu gombolola y’e Muwala, Munna NRM Jolly Kasande Gyabadde attunkira ne Namukasa Olivia atalina kibiina, gyebigweredde nga Namukasa yaalangiriddwa ku buwanguzi.
Mu balala abalangiriddwa ye mumyuka wa Ssentebe wa Ssembabule Jude Kiganda, agenda okuddamu Okukyiikirira Mateete Town council, Najjuma Aminah ne Kato Umar, abagenda Okukyiikirira Ggombolola y’e Mitete.
Bisakiddwa: Elisa Nicholas Ssekitende
