Ekitongole ekivunaanyizibwa ku ddagala mu ggwanga ekya National Drug Authority (NDA), kirabudde banna Uganda ku ky’okunywa ekimanyiddwa nga L-Power Coffee, ky’ekigamba nti kitabulwamu ekirungo ekiyitibwa Tadalafil ery’obulabe eri obulamu bw’abantu.
Okusinziira ku makeberezo g’ekitongole kya National Drug Authority, (NDA), ebirungo ebyazuliddwa mu byokunywa bino, bisobola okuviirako omuntu okwabika omutima ssinga abikozesa ennyo, ssonga abamu bakijjumbidde nti olw’okuba kyongera abasajja embavu z’okubeera abaami.
National Drug Authority era agamba nti ekibirungo ebiri mu ky’okunywa kino, bisobola n’okukosa ebitundu by’omuntu ebyenjawulo, okufa oba okumuteeka mu kkoma.
Abiaz Rwamwiri, ayogerera NDA agamba nti ebirungo ebiri mu ky’okunywa kino, birina kulondoolebwa basawo eri ababikozesa, ssikubyewa nga bayita mu byokunywa nga kino.
NDA erabudde amalwaliro agatunda eddagala, supermarkets, nabatunda ebyokunywa ebyenjawulo okujja bunnambiro ekyokunywa kino ki L- power coffee ku katale okutaasa obulamu bw’abantu.
Bisakiddwa: Ddungu Davis
