Obwakabaka bwa Buganda busabye bazzukulu baabwo okukozesa ebyafaayo bya Buganda babiyige era babitegeere, bibawe essuubi era balikozese okutekerateekera Buganda ey’enkya.
Bino byoogeddwa Katikkiro wa Buganda Charles Peter Mayiga , bwabadde yeetabye mu kubangula Abasakaate abali mu kisaakaate kya Nnaabagereka ekya 2026, kibumbujjira ku Hormsdallen primary school Gayaza mu Kyaddondo.
Katikkiro ayozaayozezza Abasakaate abaliko Obuwanguzi bwebatuseeko mu mirimu egyenjawulo, kyokka naabasaba okuteeka mu nkola byonna ebibasomeseddwa, kiwe bazadde baabwe essuubi.
Nnaabagereka yeyasoose okulambula abasaakaate, naabakuutira okussaayo omwoyo ku bibasomesebwa, ate bwebaddayo e waka babiteeke mu nkola.
Minister w’ebyenigiriza , ebyobulamu era nga yavunaanyizibwa ne ku yafeesi ya Nnaabagereka Owek Chotilda Nakate Kikomeko , yebazizza Abasakaate olwomukwano n’okuyaayaana okumanya enkola yÉmirimu nebintu ebyenjawulo , mungeri eyenjawulo nayeebaza Abazadde olw’okwagaliza abaana.
Omuk Andrew Adrian Mukiibi nga yaakulira ekitongole ki Nnaabagereka Development Foundation ekitegese Ekisaakaate , asabye abazadde okufuna Obudde okubaako byebasomesa Abaana,nÓkumanya byebaagala ne byebataagala, omuli nÓkubataasa ku nkozesa yÉmitimbagano etali ya buvunaanyizibwa.
Ekisaakaate kya Nnaabagereka kiwagiddwa MTN Momo, Finance trust bank, Hormsdallen Primary school Gayaza n’abalala.#
