Lord Mayor wa Kampala Ssalongo Hajji Erias Lukwaago mwennyamivu nti atuuse kuva mu bukulembeze, nga ensonga z’Omusaala gw’Abakozi abayonja ekibuga zikyaalimu kigoye wezinge.
Loodi Meeya Lukwago abadde ku City Hall mu Kampala ,bwabadde asisinkanye abakyala Abasiraamu Abasiibi abaweereza mu KCCA ng’abakwasa ettu ly’ebikozesebwa mu Kisiibo, eriweereddwaayo aba MTN Momo.
Loodi Meeya agambye nti abaweereza mu kibuga Kampala naddala abakyala abeera ekibuga nti bakola nnyo, kyokka olw’Embalirira entono ennyo, basasulwa Obusente butono nnyo.
Asabye Olukiiko lw’Ebyobufuzi olwa KCCA okutuula ludduukirire abakozi, nga kukola ku nyongereza mu mbalirira.
Ssenkulu w’ekibuga Kampala, Hajjat Sharifah Buzeki, yebazizza abaweereza mu MTN Momo, olw’Okulowooza ku baweereza mu KCCA ,era neyeeyama okukolagana obutereevu nabo mu kwongera amaanyi mu mpeereza.
Omukungu mu MTN Momo Gilbert Gita, awadde obweyamo nti baakugenda mu maaso n’okudduukirira abaddu ba Allah, n’okulaba nga batuusa empeereza ennungi ey’ebyempuliziganya.
Bisakiddwa: Kato Denis
