Abadde minister omubeezi ow’abakozi Rtd Col. Okello Charles Engola Mac-Odwongo asuubirwa okuziikibwa nga 13 May,2o23 mu district ye Oyam.
Engola omukuumi we Sabiti Wilson yeyamukubye ebyasi ebyamusse, naye oluvannyuma neyetta.
Mu lutuula lwa cabinet yaba minister olukubiriziddwa president w’eggwanga Yoweri Kaguta Museven, alagidde nti abakuumi b’abakungu bonna baddemu bekenenyezebwe okutegeera embeera zabwe.
Minister w’amawulire n’okulambika eggwanga Dr Chris Baryomunsi ategezeza nti waliwo akakiiko akatereddwawo okuli ab’oluganda lwa Minister n’abakungu ba government okuteekateeka okuziika minister Charles Engola.
Omugenzi Engola yaliko minister omubeezi ow’ebyokerinda.
Yaliko omubaka wa Oyam North.
Yaliko ssentebe wa district ye Oyam.
Yaliko omuduumizi w’ekibinja ekya 501 eky’eggye lya UPDF e Ggulu, n’annyuka amagye mu 2007.#