Kkooti ewulira emisango gy’ensonga z’abakozi emanyiddwa nga Industrial Court of Uganda egobye omusango ogwawabwayo eyali omukozi wa CBS Yusuf Baliruno, ng’abadde alumiriza nti yawummuzibwa ku mulimu mu bumenyi bw’amateeka.
Abalamuzi 4 nga bakulembeddwamu Justice Anthony Wabwire bategeezezza nti obujulizi obwaleetebwa abaali bakamabe bwalaga nti Baliruno teyali mukozi wa CBS wa nkalakkalira, era nti yali tateekeddwa kuyisibwa ng’abakozi abalala ab’enkalakkalira nga bawummuzibwa ku mirimu.
Mu 2020 Yusuf Baliruno yekubira enduulu mu kooti, ng’agamba nti abaali bakamabe ku CBS baamuwummuza ku mulimu nataweebwa wadde ensako, so nga yali aweerezza ebbanga ddene, nti ate nga n’omusaala ogwamusasulwa nga gwali mutono.
Obujulizi obwayanjulwa mu kooti bulaga nti Baliruno yali muweereza wa Program z’ebyemizannyo n’okusaka amawulire g’ebyemizannyo, era nga yasasulwanga olw’omulimu oba amawulire geyabeeranga asase, era kooti wesinzidde okuhoba omusango, ng’egamba nti omuwaabi teyali mukozi wankalakkalira.
,
Ennamula eno kkooti yagiwadde nga 7 November, 2025.#
