King Charles III: atuuziddwa ku Nnamulondo ya Bungereza “God save the King”

King Charles III atikiddwa n’afuuka King owa 40 owa Nnamulondo y’e Bungereza.

Asikidde Nnyina Queen Elizabeth II.

King Charles amaze emyaka 70 nga ye mulangira alinze engoma ya Bungereza.

Yazaalibwa nga 17 November 1948.

Nnyina Queen Elizabeth II agenda okutikkirwa nga 2 June 1953, King Charles II yalina emyaka 4 egy’obukulu.

Prince William ng’ayambaza kitaawe eminagiro gy’obwa King ku mukolo gw’okumutikkira mu West Minister Abby

Omulangira William akubye ekirayiro ky’okuwulira kitaawe era Kabaka we ( King)

Omulangira William ng’anywegera Kitaawe ku matikkira mu Westminister Abby

King Charles III atikiddwa mu kanisa ya Westminister Abby wamu ne mukyala we Camilla the Queen mu kibuga london.

Archbishop we Canterbury Justin Welby amwambazza engule eya St.Edward’s crown,olwo abantu bonna nebasaakaanya nti “God save the King”

Engule eno emutikiddwa efaananira ddala ne jajja we King Charles II gyeyatikkirwa.

Engule eno yasimbulizibwa ku ngule efaanana ey’omutukuvu Edward gyeyayambalanga. King Charles II yamusanyusa n’alagira naye gyebaba bamukolera era kwekwava okugituuma erinnya erya St.Edward crown.

Archbishop Justin Welby ng’ayambaza Queen Camilla engule

King Charles akubye ebirayiro by’okukulembera engoma ya Bungereza nga king owa 40

King Charles ne mukyala we Camilla the Queen Consort

Prince William ne mukyala we Cate princess of Wales, wamu n’abaana babwe omulangira Louis n’omumbejja Charllote

Omulangira George (ali wakati) owa Prince William yoomu ku bawerekedde Jajjawe ng’agenda okutikkirwa

Prince Harry naye yetabye ku matikkirwa ga Kitaawe

Omukulembeze w’ennono owa Ashati mu Ghana Asantehene Otumfuo Osei Tutu II ng’atuuka ne Westminister Abby ne mukyala we Julia Osei Tutu.

Ku matikkira ga King Charles III wabaddewo okukuba emizinga mu bibuga bya Bungereza ebyenjawulo

Ebidde n’emizira bikubuddwa mu kanisa ya Westminister Abby okumala eddakiika bbiri.

Omukolo gw’amatikkirwa ga King Charles III getabyeko abantu abasoba mu 2000, omuli abakulembeze ab’ennono, abakulembeze b’amawanga agaaliko amatwale ga Bungereza, n’abakungu abalala bangi ddala okwetoloola ensi yonna.#