Club ya KCCA eraze eryanyi mu liigi ya babinywera eya Uganda Premier League,ekubye club ya Arua Hill goolo 3-2 mu mupiira ogubaddeko obugombe mu kisaawe e Lugogo.
Goolo eziwadde KCCA obuwanguzi ziteebeddwa Shaban Muhammad atebyeko goolo 2 ne Mato Rogers etebyeko goolo 1.
Obuwanguzi buno bwongedde okunywereza KCCA ku ntiko ya liigi eno.
Kati esinga BUL eri mu kifo eky’okubiri obubonero 6, nga KCCA ekulembedde n’obubonero 35.
Omupiira omulala, SC Villa Jogo Salongo ekubye Onduparaka goolo 2-1 mu mupiira oguzanyidwa mu kisaawe kya Aki Bua Memorial Stadium e Lira.
Goolo eziwadde Villa obuwanguzi ziteebeddwa Hassan Musana ne Charles Bbaale.
Mungeri yeemu club ya Maroons egudde maliri ga 0-0 ne Bright Stars mu kisaawe e Luzira.
Bisakiddwa: Issah Kimbugwe