Kamalabyonna wa Buganda Charles Peter Mayiga yebazizza Omugenzi Amb. William Matovu olw’emirimu amatendo gyakoledde Obwakabaka ne Kabakawe, mu bwetowaaze n’omukwano.
Bwabadde atuseeko mu Maka g’Omugenzi agasangibwa e Mpala- Nkumba, Katikkiro agambye nti Obuweereza bwa Amb William Matovu bubadde bwankizo nnyo eri Obwakabaka ne mu Uganda yonna, ate nga abadde n’ensa mu nkolaye ey’emirimu.
Omugenzi Amb William Matovu abadde Musaale mu kuddukanya emirimu mu kitongole kya Ssaabasajja Kabaka ki Kabaka Foundation era nga abadde yebuzibwako ku nsonga ezenjawulo.
Muwonge Timothy ow’Omutuba gwa Kajabaga mu Kika eky’Engabi ku lw’Abenju, agambye nti Omugenzi era abadde wankizo nnyo mu Kika ky’Engabi, kuba abadde muwi w’Amagezi.
Bisakiddwa: Kato Denis
