Bannabyamizannyo abegattira mu kibiina kya Real Stars Sports Agency balonze omuddusi ku mutendera gw’ensi yonna Jacob Kiplimo, ng’omuddusi asinze banne omwezi oguwedde ogwa October,2025.
Jacob Kiplimo okutuuka ku buwanguzi buno yawangula emisinde mubunabyalo egya Chicago Marathon, nga yagiddukira essaawa 2:02:23.
Okuwangula emisinde gino era kyamuteeka mu kifo kya 7 ku baddusi abakyasinze okudduka emisinde mubunabyaalo ku budde obutono ddala.
Olw’obudde bwe yaddukira emisinde gya Chicago Marathon, yateekawo record ya Uganda empya, nga amenyawo record yenyini gyeyeterawo mu mwezi ogwa April, omwaka guno gwennyini 2025.
Jemimmah Nakawala yasinze mu muzannyo gwa Table Tennis, ate Farahat Manirola yasinze mu muzannyo gw’ebikonde.
Bisakiddwa: Issah Kimbugwe
