Government eyagala kuteekawo omusolo gwa bitundu 5% ku nsimbi eziva mu kutunda ettaka mu bibuga ne munisipaali okwetoloola eggwanga lyonna.
Omusolo guno gussiddwa mu nnoongosereza government zeyagala zikolebwe mu tteeka lya income tax ezomwaka guno 2024 ,zeyayanjulidde parliament.
Ennongoosereza mu Omusolo ogwa income tax ,government gwesoloooza ku nsimbi omuntu zabeera ayingizza, era gegamu ku mabago gamateeka government mwesuubira okufuna ensimbi eziwanirira embalirira y’eggwanga ey’omwaka gw’ebyensimbi 2024/2025 eya trillion 58 nobuwumbi 340.
Mu nnongosereza zino, governmrnt eyagala buli muntu atunda eby’obugagga okuli ettaka erisangibwa mu bibuga by’eggwanga byonna saako munisipaali,asoloozebweko ebitundu 5% ku muwendo gwensimbi zaaba atunze mu ttaka eryo..
Okugeza ,singa omuntu atunda ettaka e Kololo mu kibuga Kampala lya buwumbi 2, gavument yakumusolozaako omusolo gwa bukadde 40 nga by’ebitundu 5% ku buwumbi obubiri.
Mu mbeera yeemu ,government eyagala okusolooza omusolo gwegumu ogwebitundu 5% ku muntu abeera atunze ennyumba ez’obupangisa.
Omuntu okutunda emigabo mu kampuni, era naye wakumusoolozaako omusolo gwa bitundu 5%
Okusinziira ku nnongosereza zino ezigenda okutandika okwekenneenyezebwa parliament ,omuntu atunze ettaka ,ennyumba ezobupangisa oba atunze emigabo mu kampuni y’obwannanyini ,wakubeeranga nennaku 15 okutwala omusolo ogwo ogw’ebitundu 5% eri ekitongole ki Uganda Revenue Authority.
Singa ebbanga eryo liyitawo eryennaku 15 nga omusolo ogwo tegusasuddwa eri URA, buli mwezi ensimbi ezo zakweyongeramu ebitundu 2%.
Mu mbeera yeemu, government eyagala okuggyawo omusolo gwa Value Added Tax ku mmotoka zamasanyalaze ezikolebwa wano mu Uganda saako ebikozesebwa mu bulimi nobulunzi okuli enkumbi ,ebigimusa ensigo nebirala.
Esigiri ezitakosa butonde bwansi nazo government eyagala omusolo gwa VAT guziggyibeeko okumala ebbanga lya myaka 4.
Emyaka gino 4 gitandika okuva ng’ennaku zomwezi 1 July, 2024 okutuuka nga 30 June, 2028.
Ennongosereza zino mu misolo, akakiiko ka parliament akalondoola eby’ensimbi,kekagenda okutandika okuzekeneenya.#