Government etaddewo ekibonerezo kyakusibwa emyezi esatu oba okutaanzibwa shillings emitwalo 120,000/= eri omukozi w’akakiiko k’ebyokulonda yenna anetantala okukyankalanya obuuma bu kalimagezi obwa Biometric voter verification machines, obugenda okukozesa mu kulonda okujja okwa 2026.
Obuuma buno bugenda kukozesebwa mu kulonda okwo, nga bikwata ebinkumu n’obwenyi bw’abalonzi , okutangaaza endaga muntu z’abalonzi, n’okutangaaza obupapula obwoleka abalonzi ebifo gyebalondera obumanyiddwanga voter location slip.
Mu kulambika okwakoleddwa government ng’eyita mu ministry ya ssemateeka nessiga eddamuzi okwatuumiddwa the electoral commission Adoption and manner of use of biometric voter verification system regulations 2025, kwasimbuddwa mu tteeka erifuga akakiiko k’ebyokulonda erya the Electoral commission Act.
Mu kulambika n’okuluηamya kuno okumanyiddwanga statutory instrument nga kwekugenda okutambulirako enkozesa y’obuuma buno obwa Biometric voter verification machines, omukozi w’akakiiko k’ebyokulonda yenna anaaba aweereddwa obuvunanyizibwa okukozesa obuuma obwo natabukozesa, wakutanzibwa shillings emitwalo 120,000/= oba okusibwa mu nkomyo emyezi esatu oba okukola ebinonerezo byombi.
Omukozi w’akakiiko k’ebyokulonda anakyankalanya obuuma buno n’ekigendererwa ekyokutaataanya ebyokulonda, naye wakusibwa emyezi 3 oba okutanzibwa engasi ya shillings 120,000 ba oba okukola ebinonerezo byombi.
Mu kulambika kuno, omulonzi bwanatuuka mu kifo ekironderwamu, wakukwatibwa ekinkumu kye nga bakozesa obuuma buno oluvanyuma aweebwe akakonge alonde.
Camera eri ku buuma buno government egamba okusinziira ku kukulambika kuno nti eggya kukukozesebwa okukwata endaga muntu z’abalonzi ,akakonge akalaga omuntu ekifo kyalonderamu n’ebirala.
