Giweze emyaka 60 beddu, okuva amagye ga government eyali ekulirwa Milton Obote eyali president wa Uganda mu biseera ebyo, galuumba Olubiri lwa Kabaka olw’e Mengo nga 24 May,1966.
Amagye gasaanyaawo ebintu bya Buganda bingi, omwali n’okuwaηηaanguka kwa Ssekabaka Edward Kimera Muteesa II n’agenda e Bungereza gyeyafiira, abantu abalala bangi battibwa, abalala nebasibwa mu makomera, n’okwonoona ebintu eby’omuwendo bingi ddala.
Mu bubaka bwa Katikkiro wa Buganda obusomeddwa minisita w’ebyamawulire Owek.Isreal Kazibwe Kitooke, asabye abantu ba Buganda okwongera okubeera obumu.m n’okulwanyisa ebikolwa ebityoboola Nnamulondo.
Agambye nti ekikolwa ky’okulumba Olubiri kyali kityoboola n’okufiiriza Obwakabaka, wabula naagamba nti Obuganda tebujja kwekubagiza nnyo, kubanga Obwakabaka bwaddawo era Nnyinimu Ssaabasajja Kabaka mwali alamula.#
