Kibadde kijobi kyenyini nga Program Entanda ya Buganda nantaggwa buwoomi etongozebwa mu ngeri eyenjawulo olwaleero nga 18 Museenene,2025, ku kitebe kya Kkampuni y’essimu eya MTN, era nga banno bebavujirizi Abakulu Ab’Entanda.
Ssenkulu wa CBS FM Omukungu Micheal Kawooya Mwebe mu bubaka bwe bwatisse avunanyizibwa ku kuteekateeka ebigenda ku mpewo za Cbs fm Hajji Abbey Mukiibi Nkaaga, yebazizza aba MTN Uganda olw`okukwasizaako Cbs fm okuteekesa mu nkola ekiragiro kya Beene, eky`okutumbula Olulimi, Obuwangwa n’ennono ng`eyita mu program Entanda ya Buganda.
Mildred Kasirye akuliira bakitunzi ba MTN Uganda, ategezeeza nti bakwongera okukwatagana ne Cbs fm okuvujirira Entanda ya Buganda nantaggwa buwoomi, okutumbula obuwangwa naddala nga babusomesa abavubuka abato.
Entanda ya Buganda etuuse ku mutendera ogw`okubiri ogw`oluzannya olwenvunula bibya.
Abamegganyi 40 abaayitawo okwesogga omutendera guno babaddewo butereevu nga bawerekeddwako ab’eηηanda n’emikwano, olwo nezidda okunywa , ng’abakozi ba Cbs ne n’aba MTN Uganda babasoya ebibuuzo.
Program Entanda ya Buganda egenda kukomekkerezebwa mu Lubiri e Mengo mu Nkuuka y`omwaka nga 31 Ntenvu,2025.
Enkuuka nayo ewagiddwa Kkampuni y’essimu eya MTN Uganda ng’abavujirizi Abakulu, wamu nesomero lya Timnah School Luweero, Samona ne Tayaali.
Bisakiddwa: Musisi John
