Abalimi b’emmwanyi bongedde okufuna essuubi olw’enkuba eyeyongera okutonnya, eviiriddeko emmwanyi zabwe okumulisa n’ezibadde zaakosebwa omusana zitandise okutinta.
Abalimi aboogeddeko ne CBS mu gombolola ye Kibinge mu district ye Bukomansimbi mu Buddu, bagamba nti bakoseddwannyo omusana ogubadde gwememula emyezi ebiri egiyise, wabula bagenze bafuna enkuba ewera mu ttaka.
Bagamba nti emmwanyi ezitaakala zongedde kutinta, so nga n’ezaali zaakala, batandise okuzaamu endokwa mu binnya.
Bagamba nti Okusoomozebwa kwebalina, gwemuddo nagwo ogwongedde okugimuka olw’enkuba etonnya.
Obwakabaka bwa Buganda buli mu kawefube w’okulaba nga buli muntu waali abaako ebikolo by’emmwanyi byassa mu ttaka,mu nkola eya mmwenyi Terimba, ng’emu ku nteekateeka y’okulwanyisa obwavu mu Buganda.#
