Ekisaakaate kyakumala ennaku 10 nga kitambulira ku mulamwa ogugamba nti “Ensibuko y`Obumalirivu: Okweyamba Obuntubulamu mu Kutebenkeza Obwongo”.
Minister w`Obwakabaka owe Byenjigiriza, Ebyobulamu ne Office ya Nnabagereka Owek Cotlida Nakate Kikomeko, yasimbudde emmotoka ezisaabazza abasaakaate okuva mu Bulange e Mengo, okwolekera Hormisdallen e Gayaza.
Atendereza nnyo omulamwa ogwalondeddwa okutambulizaako ekisaakaate ky`omwaka guno 2026.
Owek Cotlida Nakate Kikomeko agamba nti omulamwa guno gugya kuyamba nnyo mu ku teekateeka abaana b’eggwanga okwaηanga embeera zonna eziyinza okubasoomooza mu bulamu.
Ssabagunjuzi we Kisaakaate Owek Dr Rashid Lukwago, agambye nti nekumulundi guno ekisaakaate kyongeddwamu ebinogezi mu ntendeka y’abasaakaate.
Nnaabagunjuzi w’e Kisaakaate agamba nti beteeseteese ekimmala okugunjula abaana b@e ggwanga.
Kalungi Fred Kabuye Ku lwe kitongole ekirungamya Omutindo gwe daggala mu ggwanga ekya National Drug Authority NDA, ategezeeza nti nekumulundi guno bakomyewo mu Kisaakaate okubangula emiti emito Ku kabaate akali mu kukozesa ebiragalagala.
Bisakiddwa: Musisi John
