Ministry y’rebyobulamu erangiridde amakeberezo ga DNA abiri gokka nti gegakakasiddwa okukebera endagaluse mu ggwanga okwewala abafere abeyongedde okwerimbika mu mulimu guno.
Amakeberezo agakakasiddwa mu Uganda kuliko erya government erimanyiddwa nga Analytical Laboratory esangibwa e Wandegeya ne MBN Clinical Laboratory esangibwa e Nakasero mu Kampala.
Minister w’ebyobulamu Dr. Jane Ruth Aceng abadde mu lukungaana lwa bannamawulire n’agamba nti amakeberezo gano abiri gokka gegalina obukugu obusobola okwekebejja endagaluse.
Kiddiridde abantu mu Uganda naddala okweyongera okwekebejja DNA, wabula government egamba nti abafere mu bukugu buno nabo babadde beyongedde, nga bawa abantu alizaatisi ezitali ntuufu.
Minister weebyobulamu Dr Jane Ruth Aceng Ocero, agambye nti alizaatisi zokka ezijiddwa mu makeberezo gano zokka zezokukirizibwa mu Uganda.
Mu bukwakulizo obulala obutereddwawo ku ndaga luse oba DNA, tewali kkeberezo ligenda kuddamu kutwala sample za DNA ebweru wa Uganda nga tezisoose kukkirizibwa ministry yabyabulamu, oba akakiiko aka Uganda National Council for Science and Technology (UNCST).
Laboratory endala zonna ezaagala okukebera DNA zisabiddwa okusooka okufuna olukusa okuva mu ministry yeebyobulamu, n’okulaga abakugu bezirina abanasobola okukola omulimu guno.
Bisakiddwa: Ddungu Davis